Zelenski Zalujnını başqası ilə əvəzləyir?
Ukraynanın müvəqqəti işğal olunmuş ərazilər və məcburi köçkünlər üzrə keçmiş nazirinin müavini Georgi Tuka bildirib ki, ölkə prezidenti Vladimir Zelenski Ukrayna Silahlı Qüvvələrinin (AFU) baş komandanı vəzifəsində Valeri Zalujnını başqası ilə əvəz etmək niyyətindədir.
Redaktor.az xəbər verir ki, o, bu barədə YouTube kanalı olan "Newsroom"a müsahibəsində bildirib.
Tuka Zelenskinin Zalujnını Ukrayna Müdafiə Nazirliyinin Baş Kəşfiyyat İdarəsinin (GUR) rəhbəri Kirill Budanovla əvəzləmək planlarını açıqlayıb və bu məlumatı Ukrayna Silahlı Qüvvələrinin Baş Qərargahına yaxın mənbələrdən öyrəndiyini vurğulayıb.
“Məsələ ondadır ki, Zelenski Zalujnı əvəz etmək qərarına gəlib. Onlar Zalujnını Milli Təhlükəsizlik və Müdafiə Şurasına keçirməyi planlaşdırırlar və Zelenski onun yerinə Baş Kəşfiyyat İdarəsinin hazırkı rəhbərini təyin etmək istəyir”, - o qeyd edib.
Keçmiş nazir müavini əlavə edib ki, Zalujnını əvəz etmək ölkəni fəlakətə aparacaq.
NƏRGİZ
Bizi Telegram-da izləyin...
