Şolts təcili hərəkətə keçir - ABŞ yardımı dayandıracaq
Almaniya kansleri Olaf Şolts getdikcə daha çox qorxur ki, Avropa İttifaqı ABŞ-ın dəstəyi olmadan Ukraynanı maliyyələşdirməli və silahlandırmalı olacaq. Ona görə də icma ölkələrindən daha çox investisiya tələb etmək niyyətindədir.
Redaktor.az bu barəsə “Politico”ya istinadən xəbər verir.
Mənbənin sözlərinə görə, Donald Trampın bu həftənin əvvəlində Ayova ştatında keçirilən görüşlərində qələbə qazanması ilə əlaqədar eks-prezidentin yenidən dövlət başçısı kürsüsündə oturacağı perspektivi getdikcə daha real görünür və ABŞ Rusiya ilə qarşıdurmada Avropa Birliyinə yardımı dayandıracaq.
Nəşr iddia edir ki, bundan qorxan Şolts Aİ liderlərinin hərəkətə keçməsini və Rusiya Federasiyası ilə münaqişədə Ukraynaya daha çox töhfə verməsini israr edəcək.
Qəzetin yazdığına görə, bu fərziyyə Berlinin Ukraynaya verdiyi hərbi dəstəyin Aİ həmkarlarından nə dərəcədə çox olması ilə bağlı məyusluğunu getdikcə daha çox ifadə etməsi ilə dəstəklənir. Şoltsa yaxın mənbə Politico-ya bildirib ki, Kiyevə dəstək mövzusu Şoltsun Fransa prezidenti Emmanuel Makronla yanvarın 22-nə planlaşdırılan görüşündə müzakirə olunacaq.
Qeyd edək ki, Aİ-nin son sammitində (14-15 dekabr 2023-cü il) Macarıstanın Baş naziri Viktor Orban Aİ büdcəsinə 2024-2027-ci illərdə ondan Ukraynaya 50 milyard avro ayrılmasını nəzərdə tutan düzəlişləri bloklayıb. Macarıstan hər il Kiyevə maliyyə yardımı göstərməyi və vəsaitlərin istifadəsinə ciddi nəzarət etməyi təklif edib. Bu mövzu fevralın 1-də keçiriləcək AB-nin fövqəladə sammitində müzakirə olunacaq.
NƏRGİZ
Bizi Telegram-da izləyin...
