Pakistanda ən çox axtarılan terrorçu həbs edildi
Pakistanda hüquq-mühafizə orqanları əməliyyat keçirərək qadağan olunmuş “Təhrik-e-Taliban” qruplaşmasının ən çox axtarılan terrorçusunu həbs edib.
Bu barədə Redaktor.az yerli mətbuata istinadən xəbər verir.
Həbs edilən şəxsin “Əmjad” ləqəbli Əbdül Qaffar olduğunu və ondan partlayıcı maddələrin götürüldüyünü bildirilir. Hüquq-mühafizə orqanlarının əməkdaşları müəyyən ediblər ki, saxlanılan şəxs qadağan olunmuş silahlı qruplaşmanın komandiri, “Müfti” ləqəbli Məhəmməd Əlinin yaxın adamı olub.
Hüquq-mühafizə orqanlarının sözçüsü bildirib ki, saxlanılan şəxs 2011-ci ilin oktyabrında Abdulla Şah Qazi ziyarətgahında terror aktını planlaşdırmaqda iştirak edib. Məlumatda qruplaşmanınn Çeçenistandan iki, Azərbaycandan bir və Kəraçidən iki yerli sakin də daxil olmaqla beş kamikadzedən ibarət olduğu bildirilir. (report)
Bizi Telegram-da izləyin...
