Putin Kalininqrada getdi
Rusiya prezidenti Vladimir Putin Kalininqrada gəlib və burada gənclərlə görüşməyi və İmmanuel Kant adına Baltik Federal Universitetinin tələbələri ilə ünsiyyət qurmağı planlaşdırır.
Redaktor.az bu barədə TASS-a istinadən xəbər verir.
Bundan əlavə, Rusiya liderinin Kalininqrad vilayətinin sosial-iqtisadi inkişafı ilə bağlı müşavirə keçirməsi planlaşdırılır.
Daha əvvəl dövlət başçısının mətbuat katibi Dmitri Peskov Vladimir Putinin Kalininqrad vilayətinə uçuşu zamanı onun təhlükəsizliyini təmin etmək üçün bütün lazımi tədbirlərin görüldüyünü bildirmişdi. Onun sözlərinə görə, dövlət başçısının Kalininqrada uçması üçün Litva ərazisi üzərindən birbaşa dəhliz tələb olunmayıb.
Xatırladaq ki, yanvarda Putin uzaq Çukotkaya da səfər edib. Putin hava limanından Anadıra qar və bataqlıq maşını ilə gəlib. Daha sonra prezidentin mətbuat katibi Dmitri Peskov deyib ki, Putin indi “bütün ölkəni görüb”, çünki Çukotka Rusiya prezidentinin hələ ziyarət etmədiyi yeganə region olaraq qalırdı.
NƏRGİZ
Bizi Telegram-da izləyin...
