"Bayden qeyri-qanuni miqrantların ABŞ-a hücumunu dəstəkləyir" - Tramp
ABŞ-ın keçmiş prezidenti Donald Tramp hesab edir ki, Amerikanın hazırkı lideri Co Bayden milyonlarla qeyri-qanuni miqrantın ABŞ-a hücumunu bəyənir.
Redaktor.az bu barədə xarici mediaya istinadən xəbər verir.
“Co Bayden milyonlarla qeyri-qanuni miqrantı ABŞ-a kütləvi şəkildə hücuma təhrik edir. Bayden döyüşmək və ölkəmizi bu hücumdan qorumaq əvəzinə, inanılmaz dərəcədə Texas qubernatoru Qreq Abbottun əl-qolunu bağlamaq üçün mübarizə aparır”, - Tramp özünün Truth sosial səhifəsində yazıb.
Keçmiş prezident ABŞ-Meksika sərhədinin bir hissəsini ABŞ federal hakimiyyət orqanları bu vəzifənin öhdəsindən gələ bilməyəcəyi təqdirdə müstəqil şəkildə qeyri-qanuni miqrantların işğalından qorumaq niyyətində olan qubernator Qreq Abbottun hərəkətlərini dəstəkləyib: “Biz qeyri-qanuni mühacirlərin girməsinin qarşısını almaq və onları sərhəddən geri qaytarmaq üçün Texasda təhlükəsizliyi təmin etməyə hazır olan bütün qurumları təşviq edirik. Bütün amerikalılar Texasın və ABŞ xalqının təhlükəsizliyini, sülhünü və suverenliyini qorumaq üçün Texas hakimiyyətinin ağlabatan tədbirlərini dəstəkləməlidirlər”, - deyə Tramp bildirib.
Tramp əlavə edib ki, yenidən seçilərsə, Texas rəsmiləri ilə “əl-ələ verib” işləyəcək.
NƏRGİZ
Bizi Telegram-da izləyin...
