ABŞ-a uçan təyyarədə tualetdən kanalizasiya suları sızdı - VİDEO
16 saat davam edən "American Airlines" reysi zamanı 4 tualeti kanalizasiya suları basıb.
Redaktor.az "Paddle Your Own Kanoo" portalına istinadən xəbər verir ki, bununla bağlı videonu sərnişinlərdən biri X sosial şəbəkəsində paylaşıb.
Hindistanın Dehli şəhərindən ABŞ-ın Nyu-York şəhərinə uçan təyyarənin göyərtəsində fövqəladə vəziyyətin yarandığı bildirilir.
İnternetdə yayımlanan görüntülərdə kabin koridoruna düzülmüş ədyallardan görünür ki, stüardessalar tualetdən sızan mayenin üstünü örtmək üçün istifadə ediblər.
“Oturacağımın olduğu yeri dörd tualetin kanalizasiya suları basdı. Bu dəhşətli vəziyyətdə 10 saatdan çox travmatik təcrübə keçdik. Qəbuledilməz gigiyena standartları”, - sərnişin Anmol Kaushik videonun altına yazıb.
Portal yazır ki, aviaşirkətin nümayəndəsi şikayət yazan sərnişinlərin kompensasiya aldığını qeyd edib.
NƏRGİZ
Bizi Telegram-da izləyin...
