Hindistanda fabrikdə dəhşətli partlayış - çox sayda ölü və yaralı var
Hindistanın mərkəzindəki Bayraqarh (Madhya Pradeş) kəndində gizli pirotexnika fabrikində baş verən partlayış nəticəsində azı 11 nəfər ölüb, onlarla insan yaralanıb.
Redaktor.az TASS-a istinadən xəbər verir ki, bu barədə jurnalistlərə yerli hakimiyyət orqanları və xilasedicilər məlumat verib.
"Bu insidentdə 6 nəfər ölüb, 50-dən çox insan yaralanıb. Hadisə yerinə 50-dən çox təcili tibbi yardım maşını göndərilib", - Madhya Pradeş hökumətinin başçısı Mohan Yadav deyib. Onun sözlərinə görə, hadisə yerində 400 polis əməkdaşı, yanğınsöndürən və xilasedicilər də yanğını söndürməyə və zərərçəkənlərə ilkin tibbi yardım göstərməyə çalışır.
Hindustan "Times" qəzetinin məlumatına görə, qurbanların sayı artıq 11 nəfərə çatıb. 60-dan çox yaralı var.
Partlayış nəticəsində yaxınlıqdakı 60 ev də dağılıb. Zavodda davam edən partlayışlara görə səlahiyyətlilər daha 100-dən çox evi təxliyə edib. Partlayış nəticəsində xeyli sayda ikitəkərli avtomobil də yanıb.
Turan İSMAYIL
Bizi Telegram-da izləyin...
