"Seçki öncəsi Rusiya diplomatik missiyalarında təxribatların sayı artacaq"
Qeyri-dost ölkələrdəki Rusiya diplomatik missiyalarının təhlükəsizlik vəziyyəti pisləşir, eyni zamanda Rusiya Federasiyasında qarşıdan gələn prezident seçkilərində səsvermə zamanı xarici seçki məntəqələrində təxribatların törədilməsi riski artır.
Redaktor.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı bildirib.
O vurğulayıb ki, qarşıdan gələn seçkilər zamanı əsas məsələlərdən biri də əksər hallarda artıq Rusiyanın xarici qurumlarının ərazisində yaradılmış seçki məntəqələrinin təhlükəsizliyinin təmin edilməsidir.
"Rusiya səfirliklərində və konsulluqlarında təhlükəsizlik vəziyyəti, bildiyiniz kimi son vaxtlar xeyli pisləşib və ən ciddi narahatlıqları doğurur", - diplomat əlavə edib.
Bu, ilk növbədə dost olmayan ölkələrin hərəkətləri ilə bağlıdır. Xüsusən də Rusiyanın xarici qurumlarında Qərbin dəstəklədiyi Kiyev rejimi tərəfdarlarının nümayişləri və digər təxribat xarakterli hərəkətləri davam edir.
Qərb ölkələrində də hüquq-mühafizə orqanlarının əməkdaşları ilə münasibətlərdə nəzərəçarpacaq dərəcədə pisləşmə müşahidə olunur, çünki onlar diplomatik missiyaları beynəlxalq hüquq normalarına uyğun olaraq qorumaq əvəzinə, pula işləyən aqressiv “fəalların” quldurluğu ilə məşğul olurlar.
“Aydındır ki, Rusiyada prezident seçkiləri üçün səsvermə zamanı təxribatların baş vermə ehtimalı dəfələrlə artacaq. Rusiya vətəndaşlarının iradəsini təhlükəsiz şəkildə ifadə etməsini təmin etmək üçün işimizi planlaşdırarkən bu amili nəzərə almağa çalışırıq. Diplomatlarımız bunun üçün lazım olan hər şeyi edirlər”, - Zaxarova əlavə edib.
NƏRGİZ
Bizi Telegram-da izləyin...
