Kreml Rusiyanı dünyanın ən cəlbedici ölkələrindən biri adlandırdı
Bu gün Rusiya dünyanın ən cəlbedici ölkələrindən biridir.
Redaktor.az TASS-a istinadən xəbər verir ki, bunu Rusiya Prezident Administrasiyası rəhbərinin müavini Maqomedsalam Maqomedov deyib.
O qeyd edib ki, Rusiya qəbul edilən miqrantların sayına görə birincilər sırasındadır. "Rusiya indi dünyanın gələcək inkişafı üçün yüksək potensiala malik ən cəlbedici ölkələrindən biridir. Ümummilli liderimiz Vladimir Vladimiroviç Putinin kursu isə hər bir vətəndaşın həyat keyfiyyətinin yaxşılaşdırılmasına yönəlib", - Kreml nümayəndəsi bildirib.
Maqomedov qeyd edib ki, Rusiyada mənəvi-əxlaqi dəyərlərə hörmətlə yanaşır, gənc nəslin tərbiyəsinə böyük diqqət yetirirlər. “Təbii ki, bütün bunlar başqa ölkələrin nümayəndələrinin xoşuna gəlir”, - deyə o bildirib.
Rusiya Federasiyası Prezidenti Administrasiyası rəhbərinin müavini deyib ki, rus mədəniyyəti müxtəlif xalqların nadir irsidir. Dövlət etnomədəni və linqvistik müxtəlifliyi qorumaq öhdəliyini öz üzərinə götürür, vətəndaşlar isə öz ana dilini və mədəniyyətini qorumaq üçün təminat alırlar.
"Bizə dövlət və milli siyasəti düzgün aparmağı öyrətməyə çalışan o lovğa demokratiyalarda - onlarda bu yoxdur. Biz görürük ki, orada daim millətlərarası, irqlərarası münasibətlərlə bağlı problemlər yaranır", - Maqomedov vurğulayıb.
Turan İSMAYIL
Bizi Telegram-da izləyin...
