"İsrailin Qəzzanın cənubundakı əməliyyatı fələstinlilərin qovulmasının başlanğıcı olacaq"
İsrail hakimiyyətinin Qəzza zolağında, xüsusilə anklavın cənubunda hərbi əməliyyatı davam etdirmək planları Fələstin xalqının öz torpaqlarından qovulmasının başlanğıcı olacaq.
Redaktor.az TASS-a istinadən xəbər verir kiŞ bu xəbərdarlıq Fələstin rəhbərliyi tərəfindən edilib.
“İsrail hökumətinin başçısı Benyamin Netanyahunun Qəzza zolağının cənubundakı Rəfahda təcavüzün davam etdirilməsi və mülki əhalinin bu bölgədən çıxarılması planları ilə bağlı bəyanatları real təhlükə yaradır və İsrail siyasətinin həyata keçirilməsi üçün müqəddimədir. Fələstinliləri öz torpaqlarından köçürmək məqsədi daşıyır” - Fələstin rəhbərliyinin bəyanatında deyilir.
Fələstin rəhbərliyinin fikrincə, nəticələrini “İsrailin hazırkı hökuməti və onu dəstəkləyən ABŞ administrasiyası” daşıyan belə “İsrailin dağıdıcı siyasətinin” hədsiz təhlükəsini qeyd edir.
Fələstin rəhbərliyinin fikrincə, bütün dünyanın məsuliyyəti öz üzərinə götürməsi və “regionu sonsuz müharibələrə sövq edəcək növbəti fəlakətin başlanmasına müqavimət göstərməsinin” vaxtı çatıb.
Bundan əvvəl Netanyahunun ofisi İsrailin baş nazirinin hərbçilərə Qəzza zolağının cənubundakı Rəfah şəhərində dinc əhalinin təxliyəsi və radikal HƏMAS hərəkatının qalan dörd batalyonunun ləğvi üçün plan hazırlamağı tapşırdığını bildirib. Fevralın 7-də Netanyahu bildirib ki, İsrail hərbçiləri Qəzza zolağının Misirlə sərhədində yerləşən Rəfah şəhərində döyüşlərin başlanmasına hazırlaşmaq əmri alıblar. BMT-nin baş katibi Antonio Quterreş Qəzzada hərbi əməliyyatın miqyasının yüz minlərlə fələstinlinin sığındığı Rafah sərhədinə qədər genişləndirilməsi planlarından narahatlığını bildirib. Onun sözlərinə görə, bu, anklavda humanitar vəziyyətin pisləşməsinə səbəb ola bilər.
Turan İSMAYIL
Bizi Telegram-da izləyin...
