"Əməliyyat mühiti çox mürəkkəb və gərgindir” - Aleksandr Sırski
Ukrayna Silahlı Qüvvələrinin Ali Baş Komandanı Aleksandr Sırski özünün Telegram kanalında Avdeyevski və Kupyanski istiqamətlərində vəziyyəti son dərəcə çətin və gərgin adlandırıb.
Redaktor.az xəbər verir ki, onun sözlərinə görə, ukraynalı əsgərlər “son dərəcə çətin şəraitdə” sıranı saxlayırlar.
"Ukraynanın müdafiə naziri Rustem Umerovla birlikdə Avdeyevski və Kupyanski istiqamətlərində müdafiəni həyata keçirən hərbi hissə və hissələrə işgüzar səfər etdik. Əməliyyat mühiti çox mürəkkəb və gərgindir”, - deyə o yazıb.
Sırski qeyd edib ki, səfər nəticəsində Ukraynanın hərbi rəhbərliyi ordunun döyüş qabiliyyətinin gücləndirilməsinə yönəlmiş bir sıra mühüm qərarlar qəbul edib. Öz növbəsində, Umerov "Facebook" səhifəsində yazıb ki, Ukrayna hakimiyyəti Ukrayna Silahlı Qüvvələrinin mövqelərini, qərargah hissələrini gücləndirmək, həmçinin pilotsuz uçuş aparatları və elektron döyüş texnikası ilə gücləndirmək niyyətindədir.
Bundan əvvəl hərbi müxbir Aleksandr Kots Rusiya Silahlı Qüvvələrinin Avdeevkada əsas yolu kəsdiyini bildirmişdi. Onun sözlərinə görə, söhbət şəhəri Avdeevka koks zavodu ilə birləşdirən və qərbə aparan nəqliyyat arteriyasından gedir. Rusiya Müdafiə Nazirliyi bu məlumatı şərh etməyib.
Turan İSMAYIL
Bizi Telegram-da izləyin...
