Ukraynalı nazir Ramşteyndən razı qalıb: "Hər şey qrafikə uyğun gedir"
Ukraynanın Müdafiəsi üzrə Təmas Qrupunun (Ramşteyn-19) iclası başa çatıb və hava hücumundan müdafiə, pilotsuz uçuş aparatları və artilleriya sistemlərinin gücləndirilməsi məsələləri müzakirə edilib.
Redaktor.az xəbər verir ki, bu barədə RBC-Ukrayna Ukraynanın müdafiə naziri Rustem Umerova istinadən məlumat yayıb.
“Biz hava hücumundan müdafiə sistemimizi həm sistemlərlə, həm də onlar üçün raketlərlə gücləndiririk”, - bəyanatda deyilir.
Qeyd olunur ki, İnteqrasiya edilmiş Hava və Raket Hücumundan Müdafiə Koalisiyasının koalisiyası rəsmən fəaliyyətə başlayıb.
"Artıq 15 ölkə qoşulub. Mən Almaniya, Fransa və ABŞ-yə liderliklərinə görə minnətdaram", - Umerov əlavə edib.
Nazirin sözlərinə görə, artilleriya sistemləri və mərmilər gündəmdədir. Xüsusilə birgə istehsal.
"Biz bunun üzərində işləyirik, artıq nəticələr var"- deyə o yazıb.
"F-16 qırıcılarına gəlincə, bu məsələdə tərəfdaşlarla bütün razılaşmalar çərçivəsində hər şey qrafikə uyğun gedir.
Dronlar. Daha çox olacaq. Biz pilotsuz sistemlər məsələsində tərəfdaşlarla qarşılıqlı əlaqəni gücləndiririk", - Umerov yazıb.
O bildirib ki, bu gün Dron Koalisiyasının işinə rəsmən start verilib. Artıq səkkiz ölkə - İsveç, Böyük Britaniya, Danimarka, Almaniya, Litva, Estoniya, Hollandiya, Latviya qoşulub.
Umerovun sözlərinə görə, minalardan təmizləmə məsələsinə rəsmi olaraq 20 ölkə qoşulub və Litva liderlik edib.
Qeyd edək ki, Ukraynanın Müdafiəsi üzrə Təmas Qrupunun bu gün, fevralın 14-də Ramşteyn formatında keçirilən növbəti iclası Ukrayna Silahlı Qüvvələrinin Ali Baş Komandanı kimi Aleksandr Sırski üçün ilk iclas olub.
Turan İSMAYIL
Bizi Telegram-da izləyin...
