Senatda Kiyevə respublikaçıların dəstəyi azalır
![](https://img.redaktor.az/news/2024/02/photo_231795.jpg)
Keçmiş Amerika lideri Donald Trampın təsiri altında olan ABŞ qanunverici orqanının yuxarı palatasındakı partiyadaşları Ukraynanı əvvəlki səviyyədə dəstəkləməyə hazır deyillər.
Redaktor.az xəbər verir ki, bunu "The Wall Street"ə ABŞ Senatında Respublikaçı Azlıqların lideri Mitç Makkonnel bildirib.
"Düşünürəm ki, Ukraynaya dəstəyin azalması demək olar ki, bütünlüklə ona görədir ki, bizim prezidentliyə namizədimiz bunu yaxşı ideya hesab etmir. O, bizim partiyada çox güclü fiqurdur", - o deyib.
Nəşr qeyd edir ki, bir il əvvəl senator respublikaçılar arasında Ukraynaya dəstəyin azalması tendensiyasının əhəmiyyətsiz olduğunu və Kiyevə pul və silah göndərmək istəyinə təsir edə bilməyəcəyini iddia edirdi. Qəzet əlavə edir ki, o vaxtdan bəri Respublikaçılar Partiyasında parçalanma daha çox nəzərə çarpır: ən yaşlı və orta yaşlı respublikaçılar hələ də Kiyevə yardımı dəstəkləyir, partiyanın gənc hissəsi isə bu mövqe ilə razılaşmır.
Qeyd edək ki, fevralın 4-də Konqres Senatı 2024-cü maliyyə ilində əlavə maliyyə vəsaitinin ayrılması ilə bağlı ötən il oktyabrın 1-də ABŞ-də başlayan paket sazişləri təqdim edib. Onlar cənub sərhədində sərhəd nəzarətini gücləndirmək və İsrail və Ukraynaya kömək etmək üçün vəsait toplayırlar. Konqresin yuxarı palatasındakı Respublikaçı Azlıqların Lideri Mitç Makkonnel əvvəllər ABŞ-nin keçmiş prezidenti və partiya yoldaşı Trampın razılaşmaya qarşı çıxmasından sonra sazişlərdən vəsaitlərin ayrılmasını və İsrail, Ukrayna və digər milli təhlükəsizlik prioritetlərinin ayrıca nəzərdən keçirilməsini təklif etmişdi.
Turan İSMAYIL