BMT Rusiyanı Navalnının ölümü ilə bağlı araşdırma aparmağa çağırdı

 19:19 16.02.2024     199

BMT-nin İnsan Haqları üzrə Ali Komissarlığının İdarəsi hesab edir ki, Aleksey Navalnının ölümü ilə bağlı mötəbər araşdırma aparılmalıdır.

Redaktor.az TASS-a istinadən xəbər verir ki, bu barədə idarənin rəsmi nümayəndəsi Elizabet Trossel bildirib.

Onun sözlərinə görə, BMT Navalnının həbsxanada ölməsi xəbərindən şoka düşüb.

"Rusiya hakimiyyətini etibarlı araşdırma aparmağa çağırırıq" - Trossel deyib.

Xatırladaq ki, bu gün rusiyalı müxalifətçi Aleksey Navalnı Yamalo-Nenets Muxtar Dairəsinin Karp qəsəbəsindəki cəzaçəkmə koloniyasında ölüb.

Turan İSMAYIL