Hava limanında radioaktiv maddə olan çanta tapıldı
Kataloniya hakimiyyət orqanları Barselona Beynəlxalq Hava Limanında təyyarənin baqaj hissəsində radioaktiv material olan bağlamanın aşkarlanması ilə əlaqədar xüsusi fövqəladə hal protokolunu işə salıb.
Redaktor.az xəbər verir ki, bu barədə regional mülki müdafiə xidmətinin press-relizində deyilir.
Bildirilib ki, paketdə “aşağı intensivlikli radioaktiv material” olub. Nəticədə hadisə yerinə yanğınsöndürmə briqadaları və radioaktiv aktivliyin əlaqələndirilməsi xidmətinin əməkdaşları gəlib. Sənəddə deyilir: “Qablaşdırma təyyarənin anbarında idi və onu çıxarmaq istəyəndə onu qoruyan xarici karton qutunun zədələndiyini aşkar etdilər”.
Paketlə birlikdə təyyarə İsveçrədən Barselonaya çatıb. Hadisə nəticəsində xəsarət alan olmayıb. Hazırda insident aradan qaldırılıb.
T.İSMAYIL
Bizi Telegram-da izləyin...
