Ukrayna ordusu işğalçıları bu şəhərdən qovdu
Ukrayna ordusu rus işğalçılarını Donetsk vilayətinin Krasnoqorovka şəhərindən qovub.
Redaktor.az UNİAN-a istinadən xəbər verir ki, bu barədə Ukrayna Silahlı Qüvvələrinin Üçüncü Əlahiddə Hücum Briqadası teleqram kanalında məlumat yayıb.
“Bir gün əvvəl Rusiya ordusunun qüvvələri Krasnoqorovkanın cənub-şərq hissəsinə hücum edərək şəhərə daxil olub. Düşmənin dayaq tapmasının qarşısını almaq üçün Üçüncü Əlahiddə Hücum Briqadasının bölmələri, 1-ci və 2-ci taborların əsgərləri şəhəri düşmən qüvvələrindən təmizləmək üçün döyüş əməliyyatı həyata keçirib”, - məlumatda deyilir.
Briqada qeyd edir ki, qısa müddət ərzində düşmən uzunmüddətli müdafiəyə hazırlaşa bilib və müqavimətə və ağır döyüşlərə baxmayaraq, briqadanın hücum qrupları düşmənə qaçılmaz itkilər verib.
Rusların təslim olmaqdan imtina etdiyi və tutduqları evlərdə məhv edildiyi də qeyd edilir.
"Bu gün Krasnoqorovka Ukrayna qoşunlarının nəzarəti altındadır", - məlumatda deyilir.
Turan İSMAYIL
Bizi Telegram-da izləyin...
