"ABŞ Rusiya və Çinə qarşı qarşı əsl ticarət müharibəsi aparır" - Zaxarova
ABŞ Rusiya, Çin və dünyanın digər ölkələrinə qarşı əsl ticarət müharibəsi aparır.
Redaktor.az TASS-a istinadən xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Ümumdünya Gənclər Festivalının sessiyasında deyib.
"Amerika Birləşmiş Ştatlarının etdiyi şey, əlbəttə ki, əsl ticarət müharibəsidir. Bu, sanksiya təzyiqi deyil, bu, sanksiyaların qanuni tətbiqi deyil. Bu, ölkələrin əsrlər boyu bir-birinə qarşı apardığı ticarət müharibəsidir. Onlar bunu sadəcə olaraq sanksiyalar adlandırırlar, lakin bu, sanksiyalar deyil”, - diplomat bildirib.
Zaxarova ABŞ-nin Çinə tətbiq etdiyi “məhdudiyyətlərə” xüsusi diqqət yetirib. "Amerikalılar Çinin texnoloji inkişafı üçün tətbiq edilə biləcək bütün məhdudiyyətləri tətbiq edir və başqalarını məcbur edirlər. Onlar Avropa İttifaqı ölkələrini Çinlə münasibətlərini məhdudlaşdırmağa məcbur edir, Çin texnologiyalarını dünya bazarlarına buraxmırlar", - deyə o vurğulayıb.
Zaxarovanın sözlərinə görə, “bu tarixi dövrdə” nə Rusiya, nə də Çin ABŞ siyasətinin əsas məqsədi deyil. "Bizə qarşı tətbiq edilən bütün sanksiyalar və Çinin yaşadığı məhdudiyyətlər onların son məqsədi deyil. Mən tamamilə əminəm ki, həm ABŞ-nin, həm də Britaniyanın son məqsədi Avropa İttifaqıdır. Məhz bu zərbə Avropa Birliyinə vurulur”, - diplomat bildirib.
"Onlar cavab verəcəyimizi bilə-bilə Avropa İttifaqını anti-Rusiya sanksiyalarını qəbul etməyə məcbur edirlər" deyən Zaxarova, "Təbii ki, biz iqtisadiyyatımızı qorumalıyıq, istehsalçımızı qorumalıyıq, maliyyə sistemimizi qorumalıyıq. Cavab verəcəyik", - deyə əlavə edib.
Rusiya Xarici İşlər Nazirliyinin rəsmi nümayəndəsinin sözlərinə görə, Avropa İttifaqı bu “yarışdan” sağ çıxa bilməyib. "Avropa İttifaqının firma və şirkətləri Amerika bazarlarına gedir. Tənəzzül, durğunluq - bunu istədiyiniz kimi adlandırın. Rəqəmlər öz sözünü deyir. Həm iqtisadi baxımdan ən güclü ölkə olan Almaniya iqtisadiyyatı Avropa Birliyi və bütövlükdə dünyada dağıldı. Fransa da görürsünüz, hansı vəziyyətdədir, manevr etməyə çalışır. Avropa Birliyinin bütün digər ölkələri ümumiyyətlə gücsüzdür və dolayı yolla Amerika Birləşmiş Ştatlarından gələn bu dağıdıcı zərbəni səssizcə qəbul edirlər", - deyə Zaxarova yekunlaşdırıb.
Turan İSMAYIL
Bizi Telegram-da izləyin...
