Livandan İsrailə yüzə yaxın raket atıldı
Livandan İsrailin şimal ərazilərinə yüzə yaxın raket atılıb.
Redaktor.az “interfaks”a istinadən xəbər verir ki, bu barədə İsrail Müdafiə Qüvvələri məlumat yayıb.
Martın 12-də səhər saatlarında Livanda yerləşən “Hizbullah” İsrailə doğru 70-ə yaxın raket atıb. Daha sonra İsrailə daha 30-a yaxın raketlə hücum edilib. İsrail ordusu bunu 2023-cü il oktyabrın 7-dən bəri ən ağır hücumlardan biri adlandırıb.
Qeyd edilib ki, bu raketlərin hamısı açıq ərazilərə düşüb. Hər iki hücumdan sonra itkilər barədə məlumat verilməyib.
Bizi Telegram-da izləyin...
