Rusiya səfiri Rumıniya Xarici İşlər Nazirliyinə çağırıldı
Rusiya səfiri Valeri Kuzmin Rumıniya Xarici İşlər Nazirliyinə çağırılıb.
Redaktor.az xəbər verir ki, buna səbəb Rumıniya qızılı ilə bağlı şərhlər olub.
Belə ki, martın 14-də Avropa Parlamenti “Rusiya tərəfindən qanunsuz olaraq mənimsənilmiş Rumıniya milli sərvətlərinin geri qaytarılması haqqında” qətnamə qəbul edib. Söhbət o cümlədən 1916-1917-ci illərdə Rusiya imperiyasına aparılan qızıl və tarixi arxivlərdən gedir.
Rusiya səfirliyi Xarici İşlər Nazirliyinin rəsmi nümayəndəsi Mariya Zaxarovanın “Rumıniyanın Üçüncü Reyxlə birlikdə SSRİ-yə hücum etdiyini” bildirən və Buxarestin Moskvaya olan borclarının silindiyini xatırladan bəyanatı ilə cavab verib.
Bizi Telegram-da izləyin...
