Ermənistanda bir neçə məmur həbs edildi

 20:22 23.03.2024     271

Ermənistanın Artik (əsl adı Ərtik-red) rayon icması rəhbərinin müavini Artak Arutyunyan həbs edilib.

Redaktor.az xəbər verir ki, bu barədə Ermənistanın “Hraparak” nəşri yazıb.

Nəşr xatırladıb ki, bir neçə gün əvvəl Şirak vilayət administrasiyasının şəhərsalma şöbəsinin müdiri Xaçatur Xndzrtsyan və həmin idarənin mütəxəssisi Mkrtiç Asatryanın həbs olunub. Eyni cinayət işi çərçivəsində Artik geniş icmasının rəhbərinin müavini Artak Arutyunyan da həbs olunub. Məhkəmə onun 2 ay müddətinə həbs edilməsinə qərar verib.

Artak Arutyunyanın 2021-ci ildə Samvel Babayanın “Liberal” Partiyasının siyahısında “Artik” icmasının rəhbəri vəzifəsinə namizədliyi irəli sürülüb.

Seçkilərdən sonra icma başçısının müavini vəzifəsinə təyin edilib. (report)