Gürcüstanda ölüm halları artıb, yeni doğulanların sayı azalıb
Gürcüstanda ölüm halları doğum nisbətini ötüb.
Redaktor.az xəbər verir ki, bu barədə ölkənin Dövlət Statistika Komitəsi məlumat yayıb.
Bildirilib ki, 2023-cü ildə Gürcüstanda 40 214 uşaq doğulub. Bu da bir il əvvəlkindən 5% azdır. Yeni doğulanların 21 010-u oğlan, 19 204-ü isə qızlardır.
Ötən il Gürcüstanda 42 756 ölüm halı qeydə alınıb. Bu da 2022-ci illə müqayisədə 13% azdır.
Qeyd edək ki, 2022-ci ildə Gürcüstanda 42 319 uşaq doğulub. 49 118 nəfər isə dünyasını dəyişib.
Bizi Telegram-da izləyin...
