İran Aİ-nin İsrailin konsulluğa hücumu ilə bağlı “qətiyyətli addımlar” atacağını gözləyir
Tehran İslam Respublikasının Dəməşqdəki səfirliyinin konsulluq bölməsinə İsrailin zərbə endirməsi ilə bağlı Avropa İttifaqından (Aİ) “real və təcili tədbir” gözləyir.
Redaktor.az TASS-a istinadən xəbər verir ki, bunu İranın xarici işlər naziri Hüseyn Əmir Abdullahiyan Aİ-nin xarici işlər və təhlükəsizlik siyasəti üzrə ali nümayəndəsi Cozep Borrellə telefon danışığında deyib.
İran Xarici İşlər Nazirliyinin teleqram kanalında yayımlanan bəyanatda nazir “Aİ-dən bu cinayətin kəskin şəkildə pislənməsini, eləcə də bununla bağlı real və təcili tədbirlər görməsini gözləyirik” deyib.
Abdullahian həmçinin bir daha İsraili dəstəkləyən ABŞ-nin bölgədə “gərginliyin artmasına görə” tam məsuliyyət daşıdığını bildirib.
T.İSMAYIL
Bizi Telegram-da izləyin...
