FTX “Krokus” terror aktının 3 ortağını saxladı
![](https://img.redaktor.az/news/2024/04/photo_236788.jpg?v=MDQ6MTMyMDI0LTA0LTA0IDE2OjM5OjMx)
Rusiyanın Fedral Təhlükəsizlik Xidməti (FTX) əməkdaşları Moskva, Yekaterinburq və Omskda “Krokus Siti Holl”da baş verən terror aktının şəriki olduğu ehtimal edilən üç nəfəri saxlayıblar.
Redaktor.az TASS-a istinadən xəbər verir ki, bu barədə Rusiya FTX-nin İctimaiyyətlə Əlaqələr Mərkəzi məlumat yayıb.
“Moskva, Yekaterinburq, Omsk şəhərlərində 2024-cü il martın 22-də Crocus City Hall kompleksində törədilən terror aktında iştirak edən Mərkəzi Asiya regionundan olan immiqrantlar olan Rusiya vətəndaşı və iki əcnəbi vətəndaş saxlanılıb”, - FTX məlumat yayıb.
“Əməliyyat-axtarış tədbirləri zamanı müəyyən edilib ki, saxlanılan şəxslərdən ikisi terror aktında istifadə olunan odlu silah və nəqliyyat vasitələri almaq üçün pul köçürüblər, üçüncüsü isə terror aktının iştirakçılarının cəlb edilməsində və onu törədənlərin maliyyələşdirilməsində bilavasitə iştirak edib”, - deyə FTX qeyd edib.
Turan İSMAYIL