NATO fondu vasitəsilə Ukraynaya yardımla bağlı yeni iddia
NATO-nun baş katibi Yens Stoltenberqin Ukraynaya yardım fondu üçün təklif etdiyi 100 milyard dollar, çox güman ki, NATO üzvü olan ölkələrin ikitərəfli ianələrini nəzərə alacaq.
Redaktor.az xəbər verir ki, bu barədə “Bloomberg” diplomatik mənbəyə istinadən məlumat yayıb.
Onun sözlərinə görə, bu, açıqlanan məbləğin çox böyük olması ilə bağlıdır. Odur ki, o, NATO yardımı çərçivəsində olmayan ölkələrin Kiyevə ayırdığı vəsaitləri əhatə edəcək. Beləliklə, alyansdan hər hansı əlavə maliyyənin “cüzi” olacağı gözlənilir.
Bu arada, bir gün əvvəl “The New York Times” yazıb ki, “bəzi müttəfiqlər NATO-nun üzv ölkələr arasında pul toplamaq üçün rıçaqları yoxdursa, 100 milyard dolları necə toplaya biləcəyini sual altına alıblar”.
Qeyd edək ki, aprelin 2-də "Bloomberg" agentliyi Stoltenberqin NATO-nun iyulda ABŞ-də keçiriləcək sammitində Ukraynaya beş il ərzində silah tədarükünü ödəmək üçün NATO-nun nəzarətində olan dövlətlərdən 100 milyard dollarlıq fond yaratmağı, həmçinin bütün hərbi təchizatların koordinasiyasını Birləşmiş Ştatlardan Kiyevə köçürməyi təklif etməyi planlaşdırdığını bildirib. Stoltenberqin bu təklifləri, agentliyin fikrincə, NATO-nun bu ölkəni alyansa dəvət etməkdən imtina etməsinə görə Ukraynaya kompensasiya olmalıdır. Öz növbəsində "Financial Times" qeyd edib ki, bu, ABŞ-yə Ukraynaya yardımını 60 milyard dollardan 16 milyard dollara endirməyə imkan verəcək.
NATO ölkələrinin mediası və xarici işlər nazirlərinin gələcək fondla bağlı açıqlamalarında, o cümlədən söhbətin 100 milyard dollardan, yoxsa avrodan getməsi ilə bağlı çoxlu çaşqınlıq var. Lakin media mənbələri qeyd edir ki, danışıqlar zamanı məbləğ dəyişə bilər, ona görə də indiki mərhələdə valyutanın heç bir əhəmiyyəti yoxdur.
Turan İSMAYIL
Bizi Telegram-da izləyin...
