ABŞ və İsrail İrana görə qoşunlarını yüksək hazırlıq vəziyyətinə GƏTİRDİ
ABŞ və İsrail rəsmiləri aprelin 1-də Dəməşqdəki konsulluğuna hücumdan sonra İranın mümkün cavab hücumları ərəfəsində Yaxın Şərqdəki silahlı qüvvələrini yüksək hazırlıq vəziyyətinə salıb.
Redaktor.az xəbər verir ki, bu barədə "The New York Times" (NYT) rəsmilərə istinadən məlumat yayıb.
Onların sözlərinə görə, ABŞ və İsrail İrandan mümkün cavab tədbirlərinə hazırlaşaraq silahlı qüvvələrini yüksək döyüş hazırlığı vəziyyətinə gətirib. Adı açıqlanmayan İsrail rəsmisinin sözlərinə görə, hakimiyyət döyüş hissələrində xidmət edən hərbi qulluqçuların məzuniyyətlərini ləğv edib, bəzi ehtiyatda olan əsgərləri hava hücumundan müdafiə bölmələrində xidmətə çağırıb və GPS siqnallarını tıxanmağa başlayıb. Anonim iki İran rəsmisi nəşrə təsdiqləyib ki, İran İsrailin təcavüzünün qarşısını almaq üçün “Dəməşqdəki hücuma birbaşa cavab verməlidir” qərarından sonra İslam respublikası bütün silahlı qüvvələrini döyüş hazırlığı vəziyyətinə salıb.
Qəzet amerikalı hərbi analitiklərin qiymətləndirmələrinə istinad edərək, zərbənin bölgədəki Amerika hərbçilərindən daha çox İsraili vura biləcəyini yazır. Qeyd olunur ki, israilli ekspertlər 2023-cü il oktyabrın 7-dən İsrail hərbçiləri ilə mütəmadi olaraq atışma aparan Livanın şiə təşkilatı “Hizbullah”ın döyüşçülərinin iştirakını gözləmədən, öz fikirlərini bölüşür və Tehranın birbaşa cavabına ümid edirlər.
Turan İSMAYIL
Bizi Telegram-da izləyin...
