Çin İsraili BMT Təhlükəsizlik Şurasının qətnamələrini yerinə yetirməyə ÇAĞIRDI
İsrail BMT Təhlükəsizlik Şurasının bütün qətnamələrinə əməl etməyə borcludur və Birləşmiş Ştatlar Təhlükəsizlik Şurasının qətnamələrinin məcburi olmadığını iddia etməklə dünya təşkilatının nüfuzunu sarsıdır.
Redaktor.az TASS-a istinadən xəbər verir ki, bunu Çin Xalq Respublikasının BMT-dəki daimi nümayəndəsinin müavini Day Bin deyib.
"Biz İsraili BMT-yə üzv dövlət kimi üzərinə götürdüyü öhdəlikləri yerinə yetirməyə və Təhlükəsizlik Şurasının qətnamələrini effektiv şəkildə yerinə yetirməyə çağırırıq. İsrail Qəzzaya hərbi hücumlarını və qəzzalıları kollektiv şəkildə cəzalandırmasını dayandırmalıdır. Qəzzanın blokadası dərhal qaldırılmalı, bütün quru keçidləri açılmalı və humanitar yardımların əldə edilməsinə süni maneələr yaradılmamalıdır", - deyə o, BMT Baş Assambleyasının iclasında çıxışı zamanı bildirib.
Diplomat qeyd edib ki, Amerika Birləşmiş Ştatları Təhlükəsizlik Şurasının qətnamələrinin məcburi olmadığını deməklə, məsuliyyətsiz yanaşma nümayiş etdirir və “Təhlükəsizlik Şurasının nüfuzunu sarsıdır”.
Xatırladaq ki, martın 25-də BMT Təhlükəsizlik Şurası şuranın onlarla qeyri-daimi üzvü tərəfindən hazırlanmış və Ramazan ayı ərzində Qəzza zolağında dərhal atəşkəs tələbini özündə əks etdirən qətnamə qəbul edib. Böyük Britaniya, Çin, Rusiya və Fransa da daxil olmaqla, Təhlükəsizlik Şurasının 14 ölkəsinin hamısı qətnamənin lehinə səs verib. Yalnız ABŞ bitərəf qalıb.
Son nəticədə qəbul edilən sənəd üç bənddən ibarətdir, bunlardan birincisi “Ramazan ayı ərzində bütün tərəflərin riayət edəcəyi və uzun və davamlı atəşkəsə gətirib çıxaracaq dərhal atəşkəs tələbi, həmçinin bütün girovların dərhal və qeyd-şərtsiz azad edilməsi, habelə onların tibbi və digər humanitar ehtiyaclarını ödəmək üçün humanitar yardımın təmin edilməsi üçün”. BMT Təhlükəsizlik Şurasının on qeyri-daimi üzvü də münaqişə tərəflərinin bütün saxlanılan şəxslərə münasibətdə beynəlxalq hüquqa riayət etməsini zəruri hesab edir. Qətnamədə Qəzzaya “humanitar yardım axınının” artırılması, onun təmin edilməsinə bütün maneələrin aradan qaldırılması və bütün zolaqda “mülki əhalinin müdafiəsinin gücləndirilməsi” üçün “təcili ehtiyac” vurğulanır.
ABŞ-nin BMT-dəki səfiri Linda Tomas-Qrinfildin deyib ki, bu qətnamə məcburi deyil. Eyni zamanda ABŞ-nin daimi nümayəndəsinin müavini Robert Vud qətnamənin yerinə yetiriləcəyinə ümid etdiyini bildirib və bildirib ki, Vaşinqton bu məsələni tərəfdaşlarla müzakirə edir və bütün tərəflərin sənədin müddəalarına əməl etməsini təmin etməyə çalışır.
Turan İSMAYIL
Bizi Telegram-da izləyin...
