HƏMAS liderinin üç oğlu Qəzzada HƏLAK OLDU
![](https://img.redaktor.az/news/2024/04/photo_237521.jpg?v=MDQ6MzYyMDI0LTA0LTEyIDAyOjUzOjUw)
Qəzza zolağında hakimiyyətdə olan Fələstinin HƏMAS hərəkatının Siyasi Bürosunun rəhbəri İsmayıl Haniyənin üç oğlu İsrailin Qəzzaya endirdiyi zərbə nəticəsində həlak olub.
Redaktor.az xəbər verir ki, bu barədə Əl-Cəzirə telekanalı məlumat yayıb.
"Həmas siyasi bürosunun rəhbəri İsmayıl Haniyənin üç oğlu və bir neçə nəvəsi İsrailin Qəzzanı atəşə tutması nəticəsində həlak olub", - məlumatda deyilib.
Bundan əlavə, hücumun Qəzza şəhərinin şimal-qərbindəki Şati qaçqın düşərgəsində baş verdiyi bildirilib.
Qeyd edək ki, bundan əvvəl Fələstinin HƏMAS qrupu İsraillə təklif olunan atəşkəs razılaşmasının bir hissəsi olaraq 40 girovu azad etməkdən imtina edib.