BMT Təhlükəsizlik Şurası təcili toplanır

 10:55 14.04.2024     363

“Aprelin 14-də İranın İsrailə hücumu ilə bağlı BMT Təhlükəsizlik Şurasının (TŞ) iclasının keçirilməsi planlaşdırılır”.

Redaktor.az xəbər verir ki, bu barədə Təhlükəsizlik Şurasının sədri kimi fəaliyyət göstərən Maltanın BMT-dəki daimi nümayəndəliyi məlumat verib.

Bundan əvvəl İsrailin BMT-dəki daimi nümayəndəsi Gilad Erdan İranın hücumu ilə bağlı Təhlükəsizlik Şurasının təcili iclasını tələb edib. O, həmçinin Tehranın hərəkətlərini pisləməyə və İslam İnqilabı Keşikçiləri Korpusunu (SEPAH) terror təşkilatları siyahısına əlavə etməyə çağırıb.