"ABŞ Hərbi Dəniz Qüvvələri Çindən geri qalır" - Amerikalı senator
Çin Xalq Qurtuluş Ordusu Dəniz Qüvvələri ABŞ Hərbi Dəniz Qüvvələrindən üstündür və eyni vəziyyət tezliklə hava qüvvələri və kosmik sektorlarda da yarana bilər.
Redaktor.az TASS-a istinadən xəbər verir ki, bunu ABŞ Konqresinin Nümayəndələr Palatasının Silahlı Qüvvələr Komitəsinin sədri Mayk Rocers (Respublikaçı, Alabama ştatı) deyib.
“Biz kosmosda döyüşmək və qalib gəlmək üçün tələb olunan sürətlə əks-kosmik imkanlar yaratmırıq. Bu problemdir. Çin modernləşmə sürətini azaltmır. Dəniz gücü baxımından onlar artıq bizdən öndədirlər. Tezliklə onların daha böyük hava qüvvələri olacaq. Bundan əlavə, Çin kosmik imkanlarını sürətlə genişləndirir”, - deyə senator bildirib.
Turan İSMAYIL
Bizi Telegram-da izləyin...
