Tbilisi məktəblərində terror həyəcanı
Gürcüstanın Dövlət Təhlükəsizliyi Xidmətinin (DTX) məlumatına görə, hüquq-mühafizə orqanlarının əməkdaşları Tbilisidə ehtimal edilən terror aktı barədə məlumat verdikdən sonra məktəb və ticarət mərkəzlərində partlayıcı maddə aşkar etməyiblər.
Redaktor.az TASS-a istinadən xəbər verir ki, kəşfiyyat xidmətinin məlumatına görə, gecə ərzində paytaxtda əməliyyat-istintaq tədbirləri davam etdirilib. “Nəticədə heç bir partlayıcı maddə və ya hər hansı növ qurğu aşkar edilməyib”, - deyə idarədən bildirilib.
Bazar günü axşam rusdilli "Telegram" kanallarından birində aprelin 22-də Tbilisi məktəblərində terror aktlarının törədiləcəyi barədə məlumat yayılıb. Bunun baş verməli olduğu məktəblərin siyahısı da var idi. Bununla bağlı Dövlət Təhlükəsizliyi Xidməti araşdırmaya başlayıb, Gürcüstanın Təhsil Nazirliyi müvafiq idarələrlə sıx əməkdaşlıq etdiyini bildirib.
Mümkün terror aktları ilə bağlı bu mesaj cəmiyyətdə səs-küyə səbəb olub. Sosial şəbəkələrdə insanlar bir-birini panikaya düşməməyə çağıraraq məlumat paylaşıblar. Buna baxmayaraq, bəzi valideynlər hesab edirdilər ki, aprelin 22-də övladlarını məktəbə göndərməyə dəyməz.
Turan İSMAYIL
Bizi Telegram-da izləyin...
