Fransa hava limanlarında uçuşlar ləğv ediləcək
Hava dispetçerlərinin tətili aprelin 25-də Fransa hava limanlarında uçuşların 75%-ə qədərinin ləğvinə səbəb olacaq.
Redaktor.az xəbər verir ki, bu barədə BFMTV kanalı məlumat yayıb.
Kanalın xəbərinə görə, aprelin 25-də keçiriləcək etiraz aksiyası zamanı "Paris Orli" hava limanından uçuşların 75%-i, "Şarl de Qoll" aeroportundan isə 65%-i ləğv ediləcək.
Ölkə üzrə hava limanlarının tətilə qoşulacağı gözlənilir. Xüsusilə, Tuluza və Nitsada uçuşların təxminən 60%-i ləğv ediləcək.
Telekanal qeyd edir ki, dispetçerlərin işinin dayandırılması aviaşirkətlərə on milyonlarla avroya başa gələcək və on minlərlə sərnişinə də təsir edəcək.
Etirazçılar əmək şəraitinin yaxşılaşdırılmasını, o cümlədən maaşlara yenidən baxılmasını tələb edirlər. Hava dispetçerlərinin tələbləri dinlənilməsə, həmkarlar ittifaqları mayın 9, 10 və 11-də tətili təkrarlaya bilərlər.
Turan İSMAYIL
Bizi Telegram-da izləyin...
