Litva PUA hücumu iddialarına görə Belarusa etiraz etdi

 17:42 26.04.2024     475

Vilnüs Belarus rəsmilərinin pilotsuz uçuş aparatlarından (PUA) istifadə etməklə ölkənin paytaxtına hücumların hazırlanması ilə bağlı bəyanatlarına görə Minskə etirazını bildirib.

Redaktor.az TASS-a istinadla xəbər verir ki, bu barədə Baltikyanı respublikanın xarici siyasət idarəsi məlumat yayıb.

"Belarus səfirliyinin nümayəndəsi Xarici İşlər Nazirliyinə çağırılıb və ona müvafiq etiraz notası verilib", - məlumatda deyilir.

Belarus DTK-nın rəhbəri İvan Tertel daha əvvəl bildirib ki, Belarus təhlükəsizlik qüvvələri Litva ərazisindən Minskdəki hədəflərə pilotsuz təyyarələrin zərbələrinin qarşısını alıb. Onun sözlərinə görə, Dövlət Təhlükəsizlik Komitəsi digər təhlükəsizlik orqanlarından olan həmkarları ilə birlikdə son vaxtlar bir sıra tədbirlər həyata keçirib ki, bu da Litva ərazisindən Minsk və onun ətraf ərazilərindəki hədəflərə döyüş pilotsuz təyyarələrinin hücumlarının qarşısını almağa imkan verib.

Litva bəyan edib ki, onlar Belarusa qarşı heç bir düşmənçilik hərəkəti planlaşdırmayıblar.

T.İSMAYIL