Silahlılar polisə hücum etdi - 7 ölü, 4 yaralı - VİDEO

 09:18 29.04.2024     527

Rusiyanın Qaraçay-Çərkəz Respublikasında yol patrul xidmətinin əməkdaşlarına silahlıların hücumu nəticəsində ikisi polis, beşi yaraqlı olmaqla yeddi nəfər ölüb, dörd asayiş keşikçisi yaralanıb.

Redaktor.az xəbər verir ki, məlumatı Rusiya Daxili İşlər Nazirliyinin yerli idarəsi yayıb.

Məlumata görə, aprelin 29-da gecə saatlarında “VAZ-2109” markalı maşından müvəqqəti polis postu istiqamətində partlayıcı tulladıqdan sonra avtomat silahından atəş açmağa başlayıblar.

Bildirilib ki, hadisə yerindən əldəqayırma bomba aşkarlanıb.

Hücum edən 5 nəfərin cavab atəşi ilə məhv edildiyi vurğulanıb.