"Onlar daim hamıya mühazirə oxuyurlar, amma bu dəfə..." - Zaxarovadan ABŞ-yə İRAD
ABŞ hakimiyyəti Qəzza zolağının bombalanmasına etiraz edən tələbələrin sərt şəkildə saxlanılması ilə bağlı izahat verməlidir.
Redaktor.az TASS-a istinadla xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
“ABŞ-də həqiqətən də genişmiqyaslı tələbə iğtişaşları gedir. Tələbələr Fələstin xalqına dəstək şüarları altında çıxış edirlər. Amerikalı ekspertlər hətta bu barədə danışırlar”, - deyən diplomat qeyd edib ki, ABŞ hakimiyyəti açıq şəkildə nümayişçilərin zorla dağıdılmasına və polis xüsusi təyinatlılarının çadır düşərgələrinin təmizlənməsinə arxalanır.
“Xarici ölkələrdə sırf daxili prosesləri şərh etmək bizim qaydamız deyil, siz bunu bilirsiniz, lakin ABŞ-yə münasibətdə biz istisna edəcəyik, çünki onlar daim hamıya mühazirə oxuyurlar, daim başqa dövlətlərin daxili işlərinə qarışırlar, ilk növbədə bizim ölkəmizin. Bu dəfə Vaşinqtonun özünə, problem nöqtələrinə, məqamlarına, getdikcə böyüyən genişmiqyaslı problemlərə diqqət yetirməsi lazımdır”, - diplomat bildirib.
Zaxarovanın sözlərinə görə, Birləşmiş Ştatlarda gənclər və qadınlar da daxil olmaqla insan hüquqlarına riayət olunub-olunmadığını yoxlamağa dəyər:
“Mən əminəm ki, bu mitinqlərdə transgenderlər də iştirak edir? BMT-nin İnsan Haqları Komitəsinin iclasında bu məsələyə aydınlıq gətirilməlidir ki, vəzifə səlahiyyətlərindən sui-istifadə, amansız həbslər və ya polis tərəfindən kobudluq olub”.
Diplomat həmçinin ümid etdiyini bildirib ki, Amerika ictimaiyyəti və beynəlxalq təşkilatlar ABŞ hökumətinə düzgün suallar verəcək və ABŞ dövlət katibi Entoni Blinken də Amerika polisinin dinc nümayişçilərə qarşı hərəkətlərini pisləyən bəyanatlar verəcək.
“Vəziyyət, gördüyümüz kimi, sakitləşmir, həbsdə olan tələbələrin və onlara rəğbət bəsləyənlərin sayı 2000 nəfəri keçib, üstəlik, məhbusların sayı da artır”, - deyə Zaxarova vurğulayıb.
T.İSMAYIL
Bizi Telegram-da izləyin...
