"Rəfahda genişmiqyaslı hərbi əməliyyatı dəstəkləyə bilmərik" - Blinken
ABŞ Fələstinin radikal HƏMAS hərəkatının Qəzza zolağında atəşkəs və girovların mübadiləsi təklifinə müsbət cavab verəcəyinə ümid edir.
Redaktor.az TASS-a istinadla xəbər verir ki, bu barədə cümə günü ABŞ-nin dövlət katibi Entoni Blinken Arizona ştatının Sedona şəhərində Makkeyn İnstitutunun keçirdiyi forumda çıxışı zamanı bildirib.
“Hazırda baş verə biləcək ən yaxşı şey, HƏMAS-ın öyrəndiyi razılaşmaya nail olmaq, atəşkəs əldə etmək və girovların azad edilməsidir. Biz HƏMAS-dan cavab gözləyirik. Gözləyirik ki, atəşkəs və girovların azad edilməsi üçün bəli deyəcəklərmi", - o deyib.
Blinkenin sözlərinə görə, “indi reallıq budur ki, Qəzza xalqı ilə atəşkəs arasında dayanan yeganə şey HƏMAS-dır".
Qəzza zolağının Rəfah şəhərində mülki əhalinin təhlükəsizliyinin təmin edilməsi zərurətindən danışan dövlət katibi vurğulayıb:
“İsrailin əhalini qorumaq üçün belə bir plan olmadığı halda, biz yəhudi dövləti tərəfindən Rəfahda genişmiqyaslı hərbi əməliyyatı dəstəkləyə bilmərik, çünki onun vuracağı zərər məqbul olandan artıq olacaq”.
Turan İSMAYIL
Bizi Telegram-da izləyin...
