İsrail Rəfahda əməliyyatı davam etdirmək qərarına gəldi

 23:32 06.05.2024     165

İsrailin hərbi kabineti yekdilliklə Qəzza zolağının cənubundakı Rəfah şəhərində hərbi əməliyyatların davam etdirilməsi barədə qərar qəbul edib.

Redaktor.az TASS-a istinadla xəbər verir ki, bu barədə İsrailin Baş naziri Binyamin Netanyahunun ofisinin bəyanatında deyilir.

“Müharibə Nazirləri kabineti yekdilliklə qərar verib ki, İsrail HƏMAS-a hərbi təzyiq göstərmək, girovlarımızın azad edilməsini asanlaşdırmaq və digər müharibə məqsədlərinə nail olmaq üçün Rəfah əməliyyatını davam etdirəcək”.

Eyni zamanda, ofis İsrailin Qəzza ilə bağlı danışıqları davam etdirmək üçün Qahirəyə nümayəndə heyəti göndərmək niyyətini açıqlayıb.

Turan İSMAYIL