ABŞ Rusiyanın aktivlərini müsadirə etməyi planlaşdırır - Blinken
ABŞ administrasiyası Konqresdən aldığı səlahiyyətlərdən istifadə edərək Rusiyanın aktivlərini müsadirə etmək niyyətindədir.
Redaktor.az xarici mediaya istinadla xəbər verir ki, bu barədə ABŞ-nin dövlət katibi Entoni Blinken bildirib.
O vurğulayıb ki, Rusiya tərəfi Ukrayna ərazisində dağıdılanların bərpası üçün pul ödəməlidir. "Beynəlxalq hüququn tələb etdiyi və Ukrayna xalqının layiq olduğu budur", -Blinken deyib.
Onun sözlərinə görə, Vaşinqton G7 tərəfdaşları ilə işləyir ki, “hərəkətsiz suveren Rusiyanın aktivləri Ukraynanı kompensasiya etmək üçün istifadə edilsin”.
Blinken hesab edir ki, G7 ölkələri milyardlarla dolların kilidini aça bilər və bu, Rusiya Prezidenti Vladimir Putinə güclü siqnal göndərəcək.
Qeyd edək ki, bundan əvvəl Dövlət Departamentinin sözçüsü Metyu Miller bildirib ki, ABŞ prezidentinə müvafiq səlahiyyətlər verən qəbul edilmiş qanuna baxmayaraq, Birləşmiş Ştatlar Rusiyanın suveren aktivlərinin müsadirəsi ilə bağlı hər hansı qərarı elan etməyə hazır deyil.
O, hazırda bu məsələ ilə bağlı verəcəyi hər hansı açıqlamanın olmadığını vurğulayıb.
T.İSMAYIL
Bizi Telegram-da izləyin...
