"ABŞ İsrailin Rəfahdakı əməliyyatını dəstəkləmir" - Pentaqon
Birləşmiş Ştatlar Qəzza zolağının cənubundakı Rəfah şəhərində İsrail Müdafiə Qüvvələrinin fəaliyyətlərinin məhdud olduğuna inanmaqda davam edir.
Redaktor.az TASS-a istinadla xəbər verir ki, bu barədə Pentaqonun mətbuat katibinin müavini Sabrina Sinq jurnalistlər üçün keçirdiyi növbəti brifinqdə bildirib.
"Hazırda tammiqyaslı işğaldan danışdığımıza inanmırıq, biz hələ də İsrail ordusunun hərəkətlərini məhdud əməliyyat kimi qiymətləndiririk", - deyə o, bununla bağlı suala cavab verib. Sinqin sözlərinə görə, ABŞ Rəfahdakı əməliyyatı dəstəkləmir. Pentaqonun sözçüsü qeyd edib ki, Birləşmiş Ştatlar yüksək məhsuldarlıqlı bombalar partiyası istisna olmaqla, İsrailə silah tədarükünü hələ də dayandırmayıb.
Xatırladaq ki, Prezident Co Bayden mayın 8-də CNN telekanalına müsahibəsində bildirib ki, Qəzza zolağının Rəfah şəhərində böyük hərbi əməliyyat keçiriləcəyi təqdirdə ABŞ İsrailə silah tədarükünü dayandıracaq. Həmin gün ABŞ-nin müdafiə naziri Lloyd Ostin izah edib ki, Vaşinqton Rəfah ətrafındakı vəziyyətlə əlaqədar yəhudi dövlətinə qısamüddətli hərbi yardımın bəzi növlərini nəzərdən keçirir. Onun açıqlamalarından belə nəticə çıxır ki, yüksək güclü bombaların tədarükü müvəqqəti olaraq dayandırılıb.
Mayın 10-da Ağ Ev aydınlaşdırıb ki, bu, İsrailə mərmi tədarükünün dayandırılması deyil, fasilədir. Dövlət Departamenti qeyd edib ki, İsrailə yalnız bir döyüş sursatı göndərilməsi dayandırılsa da, digər hərbi təchizatlara da yenidən baxılır.
T.İSMAYIL
Bizi Telegram-da izləyin...
