Moldova hərbi təlimlərə başladı
Moldova Müdafiə Nazirliyi ölkədə milli ordunun ehtiyatda olan hərbçiləri üçün səfərbərlik təlimlərinə başlandığını elan edib.
Redaktor.az "lenta.ru"ya istinadən xəbər verir ki, bu barədə idarənin mətbuat xidməti məlumat yayıb.
Müdafiə Nazirliyindən bildirilib ki, tədbirlər ehtiyatda olan hərbçilərin bacarıqlarının yoxlanılması, onların texnika və silahlarla tanışlığı məqsədilə keçirilir. Təlimlər beş gün davam edəcək və bu müddət ərzində ehtiyatda olan hərbçilər hərbi nizamnamələri mənimsəyəcək və atışlarda iştirak edəcəklər.
Moldova vətəndaşlarına həmçinin xəbərdarlıq edilib ki, bu zaman bəzi hərbi hissələrin hərbi texnikası gecə saatlarında ölkənin mərkəzində və şimalında milli marşrutlar üzrə daimi dislokasiya yerlərindən təlim poliqonlarına köçürüləcək.
Yusif EYVAZLI
Bizi Telegram-da izləyin...
