Çeçenistan hökumətinin sədri istefa verdi

 17:47 21.05.2024     245

Çeçenistan hökumətinin sədri Müslüm Xuçiyev başqa işə keçməsi ilə əlaqədar istefa verib.

Redaktor.az xəbər verir ki, bu barədə Çeçenistan rəhbəri Ramzan Kadırov teleqram kanalında məlumat verib.

“O, söz və əməl adamıdır və zərrə qədər şübhə etmədən ona zəmanət verməyə hazırdır. Əminəm ki, yeni yerində o, bütün ən yaxşı keyfiyyətlərini nümayiş etdirəcək və yüksək peşəkarlıq nümayiş etdirəcək”, - Kadırov yazıb.

Qeyd olunur ki, Çeçenistan hökumətinin sədri vəzifəsini İsa Tumxadjiyev icra edəcək.

Bundan əvvəl Maqomed Daudov Çeçenistan parlamentinin sədri vəzifəsindən vaxtından əvvəl istefa verdiyini açıqlamışdı. Onun sözlərinə görə, o, bu qərarı Ramzan Kadırovla görüşdən sonra verib. Bir sıra jurnalist və politoloqların fikrincə, Daudov Çeçenistanda ikinci ən nüfuzlu şəxsdir və Kadırovun yaxın çevrəsinin bir hissəsidir. O, fevralda III dərəcəli “Vətənə xidmətə görə” ordeni ilə təltif edilib.

Turan İSMAYIL