İranda kəşfiyyat rəhbəri öldürüldü - VİDEO
İranın Luristan ostanının kəşfiyyat rəhbəri və Tehranın keçmiş polis rəisi Hüseyn Rəhimi mayın 22-də gecə yarısı sui-qəsd nəticəsində öldürülüb.
Redaktor.az Türkiyə mediasına istinadən xəbər verir ki, sui-qəsd naməlum şəxslər tərəfindən odlu silahla həyata keçirilib.
İran rəsmi orqanlarından hələlik heç bir açıqlama verilməsə də, təhlükəsizlik qüvvələrinin Rəhiminin qətli ilə bağlı genişmiqyaslı araşdırma apardığı iddia olunur.
Hadisənin İran Prezidenti İbrahim Rəisinin helikopter qəzası nəticəsində dünyasını dəyişməsindən sonra baş verməsi həm İranda, həm də regionda xüsusi maraqla qarşılanıb.
Bizi Telegram-da izləyin...
