"Ukraynadakı istənilən fransız hərbçi Rusiya üçün qanuni hədəfdir" - Lavrov
Ukraynadakı istənilən fransız hərbi qulluqçusu təlimatçı və ya muzdlu əsgər statusunda Rusiya Federasiyası üçün qanuni hədəfdir.
Redaktor.az TASS-a istinadla xəbər verir ki, bunu Rusiyanın xarici işlər naziri Sergey Lavrov bəyan edib.
“Fransız təlimatçıları ilə bağlı suala gəlincə, mənim inanmağa əsasım var və çoxlu konkret faktlar var ki, onlar artıq Ukraynada işləyirlər. İstər Fransa Silahlı Qüvvələrinin üzvləri olsunlar, istərsə də sadəcə muzdlular, onlar silahlı qüvvələrimiz üçün qanuni hədəfi təmsil edirlər”, - Rusiya diplomatik departamentinin rəhbəri qeyd edib.
Xatırladaq ki, Fransa Ukraynaya təlimatçı qismində hərbçi göndərmək niyyətində olduğunu açıqlayıb.
Turan İSMAYIL
Bizi Telegram-da izləyin...
