"İsveçrə neytrallığını itirib" - Kremldən AÇIQLAMA
İsveçrə Ukrayna münaqişəsində açıq-aşkar qərbyönlü mövqe tutaraq ənənəvi neytrallıq siyasətindən uzaqlaşır.
Redaktor.az TASS-a istinadla xəbər verir ki, bunu Rusiya Prezidentinin mətbuat katibi Dmitri Peskov brifinqdə bildirib.
Kreml nümayəndəsi konfederasiyada ən böyük İsveçrə Xalq Partiyasının Ukrayna nizamlanması ilə bağlı ölkədə hazırlanan konfransı birtərəfli adlandıran mövqeyini şərh edib. Partiya hesab edir ki, Rusiyanın təmsil olunmayacağı tədbir Moskvanın “opponentlərinin konfransı”na çevriləcək. Peskov müzakirəni Bernin daxili işi adlandırıb. “Bizim bu partiyanın arqumentləri ilə razılaşacağımız aydındır”, - o əlavə edib.
“İsveçrə neytrallığa əsaslanan çoxdankı ənənəvi xəttindən uzaqlaşır,” -deyən Rusiya liderinin mətbuat katibi bildirib ki, İsveçrə Ukrayna məsələsində artıq kifayət qədər neytrallığını itirib.
Turan İSMAYIL
Bizi Telegram-da izləyin...
