Şolz Almaniyanın müharibəyə cəlb edilməməsi üçün hər şeyi edəcək
Almaniya Kansleri Olaf Şolz ölkəsinin Rusiyanın Ukraynaya qarşı işğalçı müharibəsinə cəlb edilməməsi üçün hər şeyi edəcəyini deyib.
Redaktor.az “Welt”ə istinadən xəbər verir ki, Kansler Şolz bu barədə Bundestaqda çıxışında bildirib.
O qeyd edib ki, Almaniya hökuməti bu məsələdə müttəfiqləri ilə sıx əməkdaşlıq edir:
“Vətəndaşlar ehtiyatlı davrandığımıza, bütün riskləri diqqətlə ölçəcəyimizə etibar edə bilərlər. Mən Almaniyanın sülh və təhlükəsizliyinə sadiq olan Kansler kimi bunun arxasındayam”.
Qeyd edək ki, Almaniya Ukraynaya Rusiya ərazisinə qarşı alman silahlarından istifadə etməyə icazə verib.
Bizi Telegram-da izləyin...
