Kiyevə silah vermək NATO ölkələri üçün məcburi olacaq

 21:01 12.06.2024     164

"Ukraynaya silah tədarükü NATO ölkələri üçün məcburi olacaq. Onlar general Kristofer Kavolinin rəhbərliyi altında alyansın komandanlıq strukturları tərəfindən əlaqələndiriləcək".

Redaktor.az "TASS"a istinadən xəbər verir ki, bu barədə NATO-nun baş katibi Yens Stoltenberq Brüsseldə keçirdiyi mətbuat konfransında bildirib.

“Biz gördük ki, Birləşmiş Ştatlar Ukraynaya əlavə yardımla bağlı razılığa gələrək 6 ay vaxt sərf edib, biz də görürük ki, bütün NATO ölkələri silah tədarük etməyib, bunu könüllü tədarükdən NATO qarşısında öhdəliklərə çevirsək, təbii ki, təchizat daha da genişlənəcək. Müharibə nə qədər uzun davam edərsə, bizim üçün proqnozlaşdırıla bilənlik, hesabatlılıq və xərclərin ədalətli bölüşdürülməsi bir o qədər vacibdir", - deyə o bildirib.

Yusif EYVAZLI