G7 ABŞ-nin Yaxın Şərq planını dəstəklədi
Yeddilik Qrupu (G7) ölkələri Qəzza zolağında yeni atəşkəs planını dəstəkləyir və onun həyata keçirilməsinə çağırır.
Redaktor.az xəbər verir ki, bu barədə Almaniya kansleri Olaf Şolz NTV telekanalı tərəfindən yayımlanan İtaliyanın cənubundakı Puglia bölgəsindəki Borqo Eqnaziya kurortunda keçirilən G7 liderlərinin görüşündə jurnalistlərə bildirib.
"Biz Amerika prezidentinin planını birgə dəstəklədik və şadıq ki, BMT Təhlükəsizlik Şurasının eyni şeyi etdi. İndi bütün bunların həyata keçirilməsi vacibdir. Biz HƏMAS-ı bunun işləməsi üçün lazım olan razılığı verməyə çağırırıq", - kansler deyib.
Qeyd edək ki, ABŞ Prezidenti Co Bayden mayın 31-də üç mərhələdən ibarət olan yeni sülh sazişi layihəsinin şərtlərini açıqlayıb. Birincisi altı həftəlik müddətə nəzərdə tutulub və tam atəşkəs, İsrail qoşunlarının Qəzzanın məskunlaşdığı ərazilərdən çıxarılması, yüzlərlə fələstinli məhbusun həbsdən azad edilməsi müqabilində HƏMAS hərəkatı tərəfindən saxlanılan girovların azad edilməsini nəzərdə tutur. Bu müddət ərzində tərəflər danışıqlara başlamalıdır və qarşılıqlı anlaşma əldə olunana qədər atəşkəs qüvvədə qalacaq. İkinci mərhələ bütün girovların, o cümlədən hərbi qulluqçuların azad edilməsini nəzərdə tutur. Üçüncü mərhələ Qəzza zolağının bərpası və ölən israillilərin qalıqlarının yaxınlarına təhvil verilməsidir.
Turan İSMAYIL
Bizi Telegram-da izləyin...
