Rus qadına təcavüz edən fələstinli saxlanıldı

 23:41 21.06.2024     178

Rusiyanın Sankt-Peterburq şəhərində yerli qadına təcavüz edən Fələstin vətəndaşı saxlanılıb.

Redaktor.az "gazeta.ru"ya istinadla xəbər verir ki, bu barədə Rusiya Federasiyası İstintaq Komitəsinin regional idarəsi məlumat yayıb.

İstintaqın məlumatına görə, bu ilin yanvarında o, rus qadını əvvəlcə döyüb, sonra isə zorlayıb. Müstəntiqlərdə şübhəlinin bir sıra oxşar cinayətlər törədə biləcəyi barədə də məlumat var.

35 yaşlı kişiyə qarşı zorlama maddəsi ilə cinayət işi açılıb. Hazırda hadisənin bütün hallarının müəyyən edilməsinə və sübut bazası formalaşmasına kömək edəcək istintaq-əməliyyat tədbirləri həyata keçirilir.

Turan İSMAYIL