Putin onu "Şərəf” ordeni ilə təltif etdi
Rusiya prezidenti Vladimir Putin Moskvada səfərdə olan Konqo Respublikasının Prezidenti Denis Sassu Nqessonu “Şərəf” ordeni ilə təltif edib.
Redaktor.az "TASS"a istinadən xəbər verir ki, Rusiya dövlət başçısının fərmanı hüquqi informasiyanın rəsmi portalında dərc olunub.
Sənəddə qeyd olunur ki, Sassu Nqesso “Rusiya Federasiyası ilə Konqo Respublikası arasında əlaqələrin inkişafı və möhkəmlənməsinə verdiyi böyük töhfəyə görə” təltif edilib.
2024-cü ildə ölkələr diplomatik münasibətlərin qurulmasının 60 illiyini qeyd edirlər.
Konqo lideri çərşənbə axşamı Rusiyaya gəlib. Onun səfəri iyunun 29-dək davam edəcək.
Yusif EYVAZLI
Bizi Telegram-da izləyin...
