İsrail qırıcıları Livandakı hərbi obyektləri vurdu
İsrail qırıcıları Livanda şiə Hizbullah hərəkatının hərbi obyektlərinə hücum edib.
Redaktor.az TASS-a istinadla xəbər verir ki, bBu barədə İsrail Müdafiə Qüvvələrinin mətbuat xidməti məlumat yayıb.
“Qırıcılar Livanın Aytarun və Hula bölgələrindəki Hizbullah hərbi obyektlərinə hücum edib, eyni zamanda artilleriya Naqura və Vadi Hamul bölgəsinə də zərbələr endirib. Bundan əlavə, bu gün səhər saatlarında Sohmora bölgəsinə endirilmiş hava zərbəsi nəticəsində İsrail istiqamətində pilotsuz uçan aparatla havaya qalxan Hizbullah hərbi hava qüvvələrinin yaraqlısı məhv edilib”, - açıqlamada deyilir.
Ordu əlavə edib ki, iyunun 26-da axşam Odise və Xiam bölgələrində terrorçuların hədəflərinə zərbələr endirilib.
Yusif EYVAZLI
Bizi Telegram-da izləyin...
