Bəhreyn İsrail-Livan sərhədində gərginliyi azaltmağa çağırır

 18:00 30.06.2024     221

Bəhreyn Ərəb Liqasının sədri olaraq İsrail-Livan sərhədində gərginliyin azaldılmasını və yəhudi dövləti ilə şiə Hizbullah hərəkatı arasında hərbi əməliyyatların dayandırılmasını istəyib.

Redaktor.az xəbər verir ki, bu barədə Bəhreyn Xarici İşlər Nazirliyinin bəyanatında deyilir.

“Krallıq münaqişə tərəfləri arasında atəşkəsə və BMT Təhlükəsizlik Şurasının 1701 saylı qətnaməsinin həyata keçirilməsi üçün birgə işə çağırır” - XİN-in saytında dərc olunan məlumatda deyilir. Eyni zamanda çağırışda dinc əhalinin həyatını qoruyacaq və regionun təhlükəsizliyini təmin edəcək danışıqlar yolu ilə sülh yolunun həllini axtarışı da vurğulanır.